السلام عليكم ... أتم حمزة ويحيى سنة ونصف الحمد لله :) .. ودى أنشطتهم السابقة من عمر سنة الى اليوم
ده أول نشاط وهو عبارة عن ادخال أعواد فنية فى فتحة مناسبة .. مفيد فى تنمية التركيز عند الطفل وتنمية عضلات ايده الدقيقة والتازر العضلى البصرى
الجانب المعرفى :-
وهنا تدرجت فى النشاط للمستوى الاصعب شوية .. بأعواد فنية أرفع من اللى قبلها مع فتحات مناسبة
دى لعب صغيرة بحجم ايديهم لما بيدوسوا عليها بتعمل صوت لتنمية عضلات الايد
أما دى فيونكات مربوطة فى قطعة كارتون وهم عليهم انهم يفكوا الفيونكات ( مش عارفة ليه منجذبوش للنشاط ده ف شيلتوا لوقت تانى ).. دى بردوا لتنمية عضلات الايد الدقيقة
.............................................................
الجانب المعرفى :-
استخدمت أول مستوى من البازل وهو ذو القطعة الواحدة علشان بعد كدة أتدرج معاهم للمستويات الاصعب ( اللى بتبقى بعد كدة شكلين مع بعض فى بازل واحد ثم تلاتة وهكذا ).. الاشكال بتنتمى أصلا للعبة فيها كذا شكل مع بعض ... أنا فرغت كارتون على حجم الشكل فقط
احنا خلصنا الحمد لله كروت الفاكهة وكروت الحيوانات وبعض الطيور وبعض كروت الخضروات ... بعرض عليهم يوميا الكروت تلات مرات فى اليوم لمدة خمس أيام حسب نظام جلين دومان .. أنا لزقت الاسم مع الصورة فى البداية وحاليا بفصل بينهم يعنى بعرض الصور لوحدها والاسماء لوحدها لان عرفت ان المخ بديهيا بيركز على الصورة لانها بتبقى أسهله
.....................................................................
الجانب الحسى
دى الالواح الحسية .. طريقة عملها : لوحين من ورق السنفرة قطعة خشنة وقطعة ناعمة نحطهم بين لوحين كارتون مع تفريغ اللوح العلوى على حسب حجم قطع ورق السنفرة ونلزقهم مع بعض ) ... طريقة التقديم للطفل : نمسك اللوح بايدينا الشمال ونحط الايد اليمين ببطءعلى القطعة الناعمة ونردد كلمة " ناعم " بعد كدة على القطعة التانية ونردد " خشن " ونسيب الطفل يقلدنا بعد كدة ( تنمية اللغة باضافة كلمتين جداد " ناعم وخشن " وتنمية الجانب الادراكى والحسى )
أما دى البلالين الحسية بيحبوها جدااااااااا .. عبارة عن بلالين كل بلونة فيها حاجة مختلفة زى رز - فول - ماية - دقيق ... دى لتنمية الجانب الحسى والاحساس باختلاف الملمس
................................................................
الجانب الابداعى
طبعا ده أهم جانب للى فى سنهم ^_^ . مفيد جدااا لتنمية معظم الحواس وتنمية الذكاء كمان .. يعنى مش مجرد تقضية وقت
دى ال water beads أو حبات الماية .. كنت بدور عليها من زمان وأخيرا لقتها .. هى عبارة عن كور دقيق صغيرة اوى وناشفة بتتباع فى الهايبرات فى قسم الدقيق ... ميزتها انها لزجة جدا فتستفز حاسة اللمس عند الطفل .. بعد ما بنشتريها بنغليها فى ماية لمدة خمس دقايق بعد كدة نقسمها ونلونها وبنحط عليها شوية ماية فى الاخر صغيرين علشان متلزقش فى بعض
ممكن تشتروها من موقع أمازون من هنا
مش قادرة أقولكوا استمعتعوا بيها قد ايه خصوصا يحيى لان نمط تعليمه حسى
..........................................................
النزهات للخارج
مهم جدااااااااااا أول تلات سنين من حياة الطفل انه يخرج للطبيعة يستكشف كل حاجة فيها لان ده بينمى ذكائه ووعيه وبيدخل بشكل مباشر فى تكوين شخصيته
احنا بنخرج كل كذا يوم للحدائق وساعات تبقى تمشية ليلية بس .. وبسيبهم يكتشفوا كل حاجة بنفسهم بس بكون جمبهم منعا لأكل الحاجات اللى على الارض ^_^
الى هنا تنتهى تدوينة اليوم ...يارب تكون نالت اعجابكم .... لسة فيه أنشطة تانية هحطها فى جزء تانى ان شاء الله
جميل يا ايات
ردحذفتسلم ايدك
ربنا يباركلك فيهم
انتى أجمل يا دعاء .. ربنا يخليكى 😘
حذفجميله الانشطه يا ايات ومتنوعه
ردحذفربنا يباركلك فيهم
ربنا يخليكى يا سارة
حذفحلو اوووى ماشاءالله. . بس ممكن اعرف الwater beads دى لما بيدوسوا عليها بتتفحص خالص زى البسله كده ولا ماسكه نفسها لأن ابنى بيفعص كلللللل حاجه
ردحذفهى لزجة .. يعنى يجوا يمسكوها تهرب ^_^ .. زى كور الجيلى كدة
ردحذفممتاز جزاكى الله كل خير بس جيبتيها منين كور الدقيق لو سمحتى و اسمها ايه
ردحذفممتاز جزاكى الله كل خير بس جيبتيها منين كور الدقيق لو سمحتى و اسمها ايه
ردحذفربنا ارسلك ليا والله ربنا يستخدمك. بس الخامات نجبها ازاة
ردحذفشركة مكافحة حشرات بمكة
ردحذفللقضاء تماما على كافة الحشرات اتصل بنا حيث اننا شركة مكافحة حشرات بمكة تعمل على مساعدتك فى ان تتخلص من الحشرات المتواجدة فى منزلك فعليك عدم التردد بالاتصال بنا نحن متخصصون فى تقديم مكافحة النمل الابيض بمكة منذ العديد من السنوات فعليك عدم التردد بالاتصال بنا
مكافحة النمل الابيض بمكة
http://www.elbshayr.com/3/Pest-control
مكافحة الحشرات
ردحذفحتى تحصل على افضل صورة من مكافحة النمل اتصل على ارقامنا وذلك لاننا افضل شركة مكافحة الحشرات في ابوظبي معنا تستطيع الحصول على افضل النتائج من هذه الخدمة و معنا ايضا تتمكن من الحصول على مكافحة الحشرات بأقل الاسعار التى تناسب الجميع ولا تقتصر على فئة معينة
مكافحة النمل
https://www.smartcareae.com/arabic/pest-control-abu-dhabi/