السلام عليكم ورحمة الله ... تدوينة جديدة بعنوان  ( العلوم ) للطفل بداية من عمر تلات سنوات

أفكار رائعة استكمالا لمنهج المنتيسورى اللى بدأناه بتعليم الحروف فى التدوينة السابقة ... 

فى البداية يجب أن نعرف أن من المهم عمل موضوع  معين " theme " لكل أسبوع وهذا ما وجدته فى المدونات الاجنبية يطبقوه .. فمثلا ( اسبوع حيوانات المزرعة / اسبوع حيوانات الغابة / اسبوع الحشرات / اسبوع الكائنات البحرية ) وهكذا وخلال هذا الاسبوع  يدرس الطفل كل شيىء متعلق بالموضوع بالانشطة والرسم والتلوين والخروج للطبيعة ليتعرف عليها اكتر ومشاهدة الفيديوهات المتعلقة بالموضوع :) 

 ( بداية ) يبدأ الطفل بالتعرف على أشكال الحيوانات فى هذا السن ومن قبل هذا ولكن  بطريقة المنتيسورى يتعلمها بشكل مختلف قليلا  :) 

الحيوانات والنبات :-

أول شيىء بعد أن يتعرف الطفل على الحيوانات فى كروت مطبوعة .. يصنع مطابقة مع المجسمات  ... ويربطها طبعا بالحروف الابجدية الذى سبق ودرسها . 

                

يتعلم الطفل بعد ذلك دورة حياة الحيوان والنبات بالمجسمات ايضا ( والمجسمات  أصبحت  متوفرة  فى العالم العربى ).. ويعطى فرصة للطفل بدراسة الحيوان أكتر ويعرف مراحل نموه  بأسلوب مبسط ... هذا بالتأكيد بعد أن يكون قد مر على المرحلة السابقة 



اذا كانت المجسمات غير متاحة لنا ماذا نفعل ؟؟؟؟ نصنعها يدويا فى البيت بأى خامات متوفرة لدينا .... فى الصورة السفلية والدة حنين وسيف شكلت أطوار الضفدع من عجينة سريعة الجفاف  ( يمكن استبدالها بأسمنت أبيض أو جبس ) وبعد أن جفت قامت بتلوينه باللون  الاخضر .. واخر شكل للضفدع اشترته جاهزا 













يمكنكم طباعة صور عن دورة حياة الحيوانات والنباتات . والعديد من الاشطة فى هذا الموضوع من هذا الرابط  http://livingmontessorinow.com/2014/03/24/montessori-monday-montessori-inspired-life-cycle-activities/

أما اسبوع الكائنات البحرية يختلف قليلا  لتجنب ملل الطفل .. وأيضا يوجد أفكار كتييييرة غير المذكورة  فى الصور 

الماء حب الاطفال الاول  ^_^ ... ويمكن  صنع  بحر بالصلصال .. أو بعجينة طعام وتلوينها باللون الازرق.... وأيضا الفيديوهات عن البحر والاسماك والدلافين وباقى الكائنات البحرية المدهشة 

                                            ملحوظة : يوجد أفكار كتيييييييييير نستطيع تنفيذها  للطفل فى الموضوع الواحد والصور المتاحة ما هى الا القلة القليلة لان المدونة غير كافية بالتأكيد لكل الافكار 






أما عن دراسة النباتات فحدث ولا حرج ... من الافضل طبعا ان تشترى الام نبتة صغيرة تضعها فى غرفة الطفل وتجعل الطفل يعتنى بيها يوميا ... يتعرف  الطفل أيضا على  دورة حياة النبات بالصور والمجسمات وحتى تقسيم الفاكهة الى بذور ولحم وقشر ...
                                                                                           
   

   
يذهب كلا من الام والطفل الى حديقة لجمع بعض النباتات ويضعوها فى صندوق ويصنعوا بالصندوق نشاطات كتيييييرة جدااا ... 












ومع تقدم عمر الطفل وتقدم معرفته فى عالم الحيوان .. يتعلم الطفل أجزاء الحيوان أو الحشرات ... وبصمة قدمهم ^_^ ... أيهم يأكل اللحم وأيهم يأكل الحشائش ؟ ... أيهم يعيش فى البحر وأيهم فى الجو وأيهم على اليابسة ... وهذا كله بالتأكيد بالطريقة العملية ليس نظريا وهذا ما أدهشنى كثيرا 

أما القسم الثانى من أنشطة العلوم فتكون تعلم شكل الكرة الارضية والكواكب وبالطبع بالمجسمات ^_^ ... يتعلم الطفل أسماء الكواكب وترتيبها قربا وبعدا من الشمس ولون كل كوكب 


   



وهذا فيديوعن أطفال يتعلمون المجموعة الشمسية ومعلومات عنها :)  وفيه طفلة مدهشة تجاوب عن الاسئلة التى سألتها لها مدرستها                      

هناك أيضا التجارب العلمية فى العلوم ., عزيزتى الام لا تحدثى نفسك بأن الطفل ما زال صغيرا ليتعلم هذه التجارب .. اعلمى جيداً أن بأمكان الطفل تعلم أى شىء وسيدهشك فى ذلك 
من مواضيع العلوم التى وجدتها وسهلة فى تنفيذها تعلم الطفل ما يغوص وما يطفوا فى الماء وبالطبع بالتجربة البسيطة ... جربوها فى أشياء مختلفة أيضا 

وهذه تجربة طفو وغوص البيض فى الماء النقى والماء المالح والماء شدشد الملوحة >>
و تجربة طفو وغوص البرتقالة الكاملة والبرتقالة المقشورة 
يمكنكم تجربة المزيد فى البيت
           





















وهنا رابط معسكر جوجل الصيفى ( به العديد من التجارب والفيديوهات للأطفال ) يمكنكم الاطلاع عليه
https://camp.withgoogle.com/

ملحوظة : عندما يبدى الطفل عدم اهتمامه بالنشاط هذا معناه ان الوقت لم يحن بعد .. حيث أن الاطفال مختلفون فقد يبدى طفل اهتمامه وشغفه بنشاط فى حين يهمل اخر
بانتظار مشاركتكم على الجروب وتطبيقها مع أطفالكم 

السلام عليكم ورحمة الله وبركاته :- 

جبتلكوا أفكار لتعليم الحروف الابجدية سواء انجليزى أو عربى للاطفال من عمر تلات سنوات ... جمعتها من مدونات عربية وانجليزية ... يارب تعجبكم 

فى البداية لازم نفهم ان طريقة المنتيسورى بعيدة كل البعد عن التلقين .. ازاى ؟ 
يعنى الطفل بيتعلم بكل حواسه .. يعنى مش هيعرف ان " أ" " أرنب " الا لما يشوف الارنب ويلون صورته ويعلقها على الحيطة  ويشوف كل الحاجات اللى حواليه اللى بتبدأ ب " أ" ... ودلوقت اسيبكوا مع الأفكار :- 

دى الحروف الابجدية زى ماانتوا شايفين ... بتتعمل بورق الصنفرة  ( الحرف بس بورق الصنفرة ومحطوط على سطع ناعم املس ) لان الطفل بيتحسسها بصوابعه وده بيساعده أكتر على حفظ شكل الحرف وبيدربه على كتابة الحرف بطريقة غير مباشرة ... وهنا الطفل بيضم اصبعى السبابة والوسطى ويمرر بيهم على الحرف ودى من أشهر طرق المنتيسورى لتعليم الحروف 

وفى الطريقة دى بنعلم الطفل صوت الحرف مش اسم الحرف .. علشان تتعرفوا اكتر على الاسلوب شوفو الفيديو ده 

                             أما تانى طريقة من طرق المنتيسورى هى الرسم على الرمل .. ( ممكن نستخدم الملح ) وده بيتيح للطفل فرصة انه يحفظ اكتر شكل الحرف ويقلد اتجهاته .. وطبعا مننساش متعة الطفل :)


ونحاول مع كل حرف الطفل بيتعلمه نوريله حاجات كتييييييييييير بتبتدى بالحرف ده ... وده مش بس بالصور لا كمان بالمجسمات ... ياريت نحطها كلها على حاجة ونبدأ ننطق كل مجسم ببطء قدام الطفل زى الصور اللى تحت من مدونة د/ دعاء مجدى 

لاحظو ان الحرف لازم يكون قدام المجسمات علشان نربط الاشياء بالحرف  



وطبعا من الحاجات المفيدة جدا فى تعليم الحروف للاطفال ان يكون كل حرف مرتبط بشكل معين بيبدأ بيه الحرف والصور هتوضح .... الام بتعمله مع الطفل وبيعلقوه فى غرفة الطفل وده بيشجع الطفل أكتر على التعلم 













ممكن تطبعو الحروف وتخلو الطفل يلونها من الرابط ده 
http://www.education.com/slideshow/color-animal-alphabet/Color_Letter_K/


فيه كمان افكار اكتر زى ان الطفل يعمل الحرف بالصلصال ... او انه يمشى على الحرف بألوان ماية او الوان زيت 



                              



ممكن كمان نزين الحرف بالبرونز او الاستيكر او الخرز ومتنسوش تعلقوه فى غرفة الطفل 


                                                                                                        





ممكن كمان نشترى قطاعات البسكوت ونعمل مع الطفل بسكوت بشكل الحروف ^_^ او نزين الحرف بالمكرونة ونلزقها بالصمغ 

        




                   

اعملى صندوق صغير وحطى فيه مجموعة من الصور ... لكل حرف صورة بتبدأ بيه .. وخلى طفلك يطابق الصورة مع الحرف بتاعها ... وجيبى صورة شكل واكتبى حروف الشكل تحته وخلى طفلك يطابق الحروف مع بعضها وانتى طبعا فى ده كله هتقوليله الكلمة او احرف ببطء مع التكرار

                                               




فيه كمان مجموعة العاب بالحروف غير كدة ... زى مثلا ممكن تدفنى الحروف فى رمل او رز كتييييييير وتطلبى من طفلك ان يطلع الحروف وكل حرف يطلعه يقول عليه ... ويقول كلمة تبدأبيه .....
أو ترسموا مع بعض الحرف بخط كبييييييير على الارض وتخليه يمشى عليه بأى لعبة .....
أو تلعبو لعبة الحروف الموسيقية زى لعبة الكراسى الموسيقية كدة  ( الطفل بيمشى مع الموسيقى على الحروف اللى على الارض واول ما الموسيقى تخلص الام تقول على حرف معين وعلى الطفل انه يروح يقف على الحرف ده بسرعة ..... طبعا مع الطفل اللى لسة بادىء يتعلم الحروف ممكن نرسمله بس تلات او اربع حروف
أو تلزقى الحروف المغناطيسية على لوحة كبيرة وتطلبى من طفلك انه يطابق الحروف 

          

    
ممكن كمان تعملوا كتاب وتلزقوا فيه اى حاجة بتلاقوها عند الحرف بتاعها فى الكتاب .... والفكرة دى معمولة فى كتب جاهزة وبتتباع فى أمريكا بالفعل 

    بس هى فكرتها سهلة جداااااا يبقى ليه نشتريها من برة لما ممكن تتعمل فى البيت والطفل هو اللى يلزق الصورة فى مكانها الصحيح 




وده موقع ممكن تدخلو عليه وتطبعوا الحروف بالانشطة بتاعتها وتلزقوها مع بعض 

http://www.themeasuredmom.com/dot-sticker-pages/


وده app كويس جدا لتعليم الحروف مع رسم الطفل الحرف بصباعه .. 

وعندكوا على ال youtube فى سلسلة تعليمية اسمها " ببغاء يتعلم الهجاء " لذيذة جدا .. لكل حرف قصة بالكرتون 
وفيه منهج ال Jolly phonics أكتر من راااااااائع لتلعيم الحروف اللانجليزى بشكل مختلف فعلا .. لكل حرف صوت و حركة معينة بالايد  اغنية وشكل من الاشكال .. 
دول أطفال بيمثلوا الحروف .. هم حافظين مع كل حرف الحركة بتاعته .. وهتلاقو اغانى الحروف على ال youtube بردو 

أتمنى تكونوا استفادتو .. ومستنية تطبيقاتكوا مع أولادكم .. متنسوش تبعاتولنا اللى عملتوه :)  واستنوا التدوينات القادمة .... دمتم فى رعاية الله